دۆناڵد ترەمپ، سەرۆکی ویلایەتە یەکگرتووەکانی ئەمریکا هۆشداریی دایە دەسەڵاتدارانی ئێران و رایگەیاند، ئەگەر هێزە ئەمنییەکان تەقە لە خۆپێشاندەرانی ئاشتیخواز بکەن، واشنتن دەستوەردان دەکات. لە بەرامبەردا تاران هۆشداریی دەداتە ئەمریکا کە بەرژەوەندی و سەربازەکانی لە ناوچەکەدا دەکەونە مەترسییەوە.
بەهۆی بەفربارین و کڕێوەی بەردەوام، ڕێگەی هاتووچۆی ٢٧٢ گوند لە شارەکانی سەقز، بانە و دیواندەرە داخراون و دەروازەی نێودەوڵەتیی حاجی ئۆمەران - تەمەرچیانیش بەڕووی هاتووچۆدا پەکیکەوتووە.
دۆناڵد ترامپ، سەرۆکی ویلایەتە یەکگرتووەکانی ئەمریکا هۆشداری دەداتە تاران و دەڵێت، ئەگەر کۆماری ئیسلامیی ئێران دەست بە بەرنامە ئەتۆمییەکەی بکاتەوە، بە خێرایی رووبەڕووی هێرشی سەربازی دەبێتەوە.
یەکێتیی ئەورووپا داوا لە دەسەڵاتدارانی کۆماری ئیسلامیی ئێران دەکات سەرجەم ئەو کەسانە ئازاد بکات کە بەهۆی رەخنەگرتن لە حکومەت دەستگیرکراون، لە سەرووشیانەوە نێرگز محەمەدی، براوەی خەڵاتی نۆبڵی ئاشتی و دەستگیرکراوانی دیکەی شاری مەشهەد.
بۆ چوارەمین ڕۆژی لەسەریەک، شەپۆلێکی فراوانی ناڕەزایەتی شارەکانی ئێران و ڕۆژهەڵاتی کوردستانی گرتەوە. خۆپێشاندانەکان کە دژی گرانی و دۆخی بژێوییە، لە چەندین شار بۆتە هۆی پێکدادان و بەپێی ئامارە فەرمییەکان، کوژراو و بریندار لە ڕیزەکانی هێزە ئەمنییەکاندا هەن.
دادگایەکی کۆماری ئیسلامیی ئێران، سزای لەسێدارەدانی بەسەر هاووڵاتییەکی تورکی یارساندا سەپاند بە تۆمەتی "سیخوڕیکردن بۆ ئیسرائیل". ئەو هاووڵاتییە کە خاوەن پێداویستیی تایبەتە، لە نامەیەکدا لەنێو زیندانەوە ڕایگەیاندووە کە لەژێر ئەشکەنجەدا دانپێدانانی زۆرەملێی لێ وەرگیراوە.
ڕۆژی دووشەممە گەورەترین شەپۆلی ناڕەزایەتی لە سێ ساڵی ڕابردوودا ئێرانی گرتەوە. ئەمەش دوای ئەوەی بەهای تمەن بۆ نزمترین ئاست دابەزی و سەد دۆلار ١.٤ ملیۆن تمەنی تێپەڕاند.
دوای تێپەڕبوونی ١٢ ڕۆژ بەسەر دەستگیرکردنیدا، نیگەرانییەکان لەسەر ژیانی هاووڵاتییەکی خەڵکی بۆکان زیاد دەکەن. سەرچاوەکانی مافی مرۆڤ باس لەوە دەکەن کە ناوبراو لەژێر ئەشکەنجەیەکی تونددایە و چەند بەشێکی جەستەی شکاوە.
بەندکراوێکی سیاسیی کورد لە بەندیخانەی ناوەندیی مەهاباد، سەرەڕای تێپەڕبوونی ١٣ مانگ بەسەر دەستبەسەرکردنیدا، لەلایەن بەرپرسانی زیندانەوە ڕێگریی لە وەرگرتنی مافی مرەخەسی (مۆڵەت) لێدەکرێت.
شەپۆلێکی بەفربارینی چڕ و کڕێوە ناوچە جیاجیاکانی ڕۆژهەڵاتی کوردستانی گرتووەتەوە، بەهۆیەوە زیانێکی زۆر بە ژێرخانی کارەبای شارەکانی بانە و سەقز گەیشتووە و هاتوچۆ لە چەندین شاڕێگەی سەرەکی پەکیکەوتووە.
