بەپێی ڕاپۆرتی مافی مرۆڤی کوردستانی ئێران، ڕۆژی چوارشەممە ٥ی گەلاوێژى ١٤٠١ى هەتاوی، دوای دروستبوونى شەڕ و ئاژاوە لە نهۆمی ٣یەمى یەکەی ٤ى بەندیخانەی "سەبزجوان" کە بەشێکە لە بەندیخانەی عادلئابادی شیراز، چەند زیندانییەک بە سەختی بریندار و زیندانییەکی دیکەش بە هۆى سەختى برینەکەیەوە کە بە چەقۆ لێى درابوو گیانى لەدەست دا!
سه‌رچاوه‌یه‌كی ئاگادار رایگه‌یاندووە: دواى ئەوەى پاشنیوه‌ڕۆى چوارشەممە شه‌ڕ لە نێو زیندانییەکانى لقێکى زیندانی عادلئاباد دروست بوو، زیندانییەکی تۆمه‌تبار به تاوانی گشتی بریندار و یەکێکى دیکەیشیان به‌هۆی سه‌ختی برینه‌كانییەوە کە چەقۆی لێى درا بوو گیانى لەدەست دا.
بەندیخانەی سەبز جوان لە عادلئابادی شیراز شوێنێكە بۆ ڕاگرتنی بەندكراوانی تەمەن ١٨ بۆ ٢٥ ساڵ و تیایدا هەموو جۆرە کەرەستەیەکى تیژى مەترسیدار و چەقۆ لەوێ دەست دەکەوێت و لەبەر ئەوەى زۆرینەی زیندانییەکان بە تاوانی توندوتیژی سزا دراون، بەو بەشە دەگوترێت (دوورگەی مرۆڤخۆرەکان).
کێشەکە لەوەدایە لە ئێرانى داگیرکراو لە لایەن ئاخوندەکانەوە، هیچ جۆرە جیاکارییەک بۆ تاوانەکان و تۆمەتبارا و تاوانباران نییە و زۆرجاریش هۆکارى دروستبوونى شەڕ و ئاژاوە و گیانلەدەستدانەکان خودى پاسه‌وانانەکانی زیندانەکانن کە سەر بە سوپا و ئیتلاعاتن!
