سوپای پاسداران شەپۆلێکی فراوانی دەستگیرکردنیان دژی سەرکردە باڵاکانی بەرەی ڕیفۆرمخواز دەستپێکرد و تۆمەتی "کارکردن بۆ بەرژەوەندیی بێگانە"یان دەدەنە پاڵ.

ئێوارەی ڕۆژی شەممە، لە ئەنجامی تەقینەوەی نارنجۆکێکی دەستی لە شاری سەقزی ڕۆژهەڵاتی کوردستان، دوو کەس گیانیان لەدەستدا و گەنجێکی دیکەش بە سەختی بریندار بوو.

لە بەردەوامیی ناڕەزایەتییەکانی ئێران و ڕۆژهەڵاتی کوردستاندا، دوو هاووڵاتیی دیکەی کورد بە تەقەی هێزە ئەمنییەکان گیانیان لەدەستدا، کە یەکێکیان تەمەنی 19 ساڵە.

دەسەڵاتدارانی ئێران، وەک سزایەک بەرامبەر پشتگیریکردنی لە خۆپێشاندانەکان، دەستیان بەسەر سەرجەم دارایی و هەژمارە بانکییەکانی وریا غەفووری، یاریزانی پێشوو و ڕاهێنەری کورددا گرت و هێڵی مۆبایلەکەشیان داخست.

 هێزە ئەمنییەکانی ئێران هاووڵاتییەکی خەڵکی مەهابادیان بە ناوی عەلی ریاحی دەستگیر کرد و دوای چەند ڕۆژێک لە ڕاگرتنی لەو شارە، بۆ زیندانی شاری ورمێیان گواستووەتەوە.

مارکۆ ڕوبیۆ، وەزیری دەرەوەی ئەمریکا ڕایگەیاند، بۆ ئەوەی هەر دانوستانێک لەگەڵ ئێراندا ئەنجامێکی "واتاداری" هەبێت، پێویستە جگە لە دۆسیەی ئەتۆمی، پرسی مووشەکە بالیستیکەکان و شێوازی مامەڵەی تاران لەگەڵ خۆپێشاندەران لەخۆبگرێت.

دۆناڵد ترەمپ، سەرۆکی ئەمریکا هۆشدارییەکی تووند ئاراستەی کۆماری ئیسلامیی ئێران دەکات و ڕایدەگەیێنێت، ڕێگە بە تاران نادەن هیچ کام لەو بنکە ئەتۆمییانە بنیات بنێتەوە کە پێشتر لەلایەن واشنتنەوە خاپوور کراون. دەشڵێت: "پێویستە خامنەیی زۆر نیگەران بێت."

دوای گوشارێکی زۆری سەرکردەکانی وڵاتانی عەرەبی و ئیسلامی بۆ سەر ئیدارەی دۆناڵد ترەمپ، بڕیارە ڕۆژی هەینی دانوستانە ئەتۆمییەکانی نێوان واشنتن و تاران لە عومان دەستپێبکەنەوە.

ئەنجوومەنی هەماهەنگیی ڕێکخراوە پیشەییەکانی مامۆستایانی ئێران ڕایگەیاند، لە میانی ناڕەزایەتییەکانی ئەم دواییەی وڵاتەکەدا، 150 قوتابی لەلایەن هێزە ئەمنییەکانەوە کوژراون.

بەپێی ڕاپۆرتە بڵاوکراوەکان، "عبدالله ڕەزایی"، چالاکی سێنفیی مامۆستایان و ئەندامی ئەنجومەنی سێنفیی فەرهەنگیان لە هەرسین، لەلایەن هێزە بەكرێگیراوەكانی ڕێژیمەوە دەسبەسەر کراوە و بۆ شوێنێکی نادیار گوازراوەتەوە.