تەرمی ژنێکی ترەنس بە ناوی "مەهشید" کە شوێنەواری چەندین چەقۆی پێوە بووە، لە ناوەندی شاری سنە دۆزرایەوە. ئەم ڕووداوە جارێکی دیکە سەرنجی خستەوە سەر مەترسییەکانی سەر ژیانی کەمینە ڕەگەزییەکان لە ناوچەکەدا.
کۆماری ئیسلامی ئێران دوو گەنجی کوردی بە تۆمەتی "تێکدانی ئاسایشی نیشتمانی" و بەشداریکردن لە ناڕەزایەتییەکان لەسێدارە دا، ئەمەش لەکاتێکدایە ڕێکخراوەکانی مافی مرۆڤ هۆشداری لە زیادبوونی ڕێژەی لەسێدارەدانەکان دەدەن لەژێر سێبەری گرژییە هەرێمییەکاندا.
فەرماندەیی ناوەندیی هێزەکانی ئەمریکا (سێنتکۆم) دەڵێ، رۆژانی شەممە و یەکشەممەی ئەم هەفتەیە زنجیرەیەک هێرشی ئاسمانیی "بەرگری لەخۆکردن"یان بۆسەر رادار و شوێنی هەڵدانی درۆن لە ناوچەی غوروک و دوورگەی قیشمی ئێران کردووە.
فەرماندەیی پاسەوانی سنووری ئێران رایگەیاند، لە سنووری چاڵدێران لە پارێزگای ورمێ، هێرشێکی گرووپە چەکدارە دژبەرەکانیان تێکشکاندووە و دوو ئەندامی ئەو گرووپانە کوژراون.
دەزگای هەواڵگری و ئاسایشی نیشتمانیی دانیمارک ڕایگەیاند، لە ماوەی ساڵی ڕابردوودا ئێران ڕۆڵێکی "بەرچاو" و گەورەی لە هەڕەشە تیرۆریستییەکانی سەر ئەو وڵاتەدا هەبووە.
بەرزبوونەوەی کەموێنەی تێچووی خزمەتگوزارییەکان و لاوازیی بیمە تەندروستییەکان لە ئێران، بووەتە هۆی ئەوەی هاووڵاتییان چارەسەری ددانەکانیان پشتگوێ بخەن و تەنیا ئازارەکەی بچێژن.
ئەمریکا وێستگەیەکی درۆنی لە نزیک بەندەر عەباس بۆردوومان دەکات و سوپای پاسدارانیش بە مووشەک وەڵامی بنکەیەکی ئاسمانیی واشنتن دەداتەوە، ئەمەش دوای تێکشکاندنی چوار درۆنی بۆمبڕێژکراوی تاران لەنێو گەرووی هورمز دێت.
شایان هۆشیار، نووسەر، لێکۆڵەری مێژوو و چالاکوانی ئازەری زمانی خەڵکی نەغەدە، لەلایەن دادگای شۆڕشی ئیسلامیی ورمێوە سزای 3 ساڵ و 8 مانگ زیندانیی بەسەردا سەپێنرا. ئەم سزایە لەکاتێکدایە کە هۆشیار وەک یەکێک لە دەنگە هەرە میانڕەوەکانی ناوچەکە ناسراوە.
دەسەڵاتی دادوەریی ئێران جێبەجێکردنی سزای لەسێدارەدانی "غولامڕەزا خانی شوکرئاب"ی بە تۆمەتی سیخوڕیکردن بۆ دەزگای مۆسادی ئیسرائیلی ڕاگەیاند. بەپێی ئاژانسی "میزان"، ئەم کەسە دوای پشتڕاستکردنەوەی سزاکەی لەلایەن دیوانی باڵای دادوەری وڵاتەوە، لەسێدارە دراوە.
هێزە ئەمنییەکانی ئێران لە درێژەی شەپۆلی دەستگیرکردنی هاووڵاتییانی کورد، سێ گەنجی دیکەیان لە یەکێک لە گوندەکانی مەهاباد دەستبەسەر کرد و بۆ شوێنێکی نادیار گواستیاننەوە.
