ڕێکخراوی CPTی ئەمریکی ئاشکرای کرد، لە ماوەی تەنیا 16 ڕۆژی ئاگربەستدا، سوپای پاسدارانی ئێران و گرووپە هاوپەیمانەکانی 48 هێرشیان کردووەتە سەر هەرێمی کوردستان، کە زۆرینەیان ئامانجیان حیزبەکانی ڕۆژهەڵاتی کوردستان بووە.
فەرمانگەی میدیا و زانیاریی نوێرترین ئاماری هێرشە درۆنی و مووشەکییەکانی سەر هەرێمی کوردستانی بڵاو کردەوە و دەڵێت، تا ئێستا بەهۆی ئەو هێرشانەوە ٢٠ کەس شەهید بوون و ١٢٣ کەسی دیکەش بریندار بوون.
دەسەڵاتی دادوەریی ئێران سزای لەسێدارەدانی بەسەر عیرفان کیانی، یەکێک لە دەستگیرکراوانی خۆپێشاندانەکانی شاری ئەسفەهان جێبەجێ کرد.
ئەمە دووەم سزای لەسێدارەدانە لە ماوەی هەفتەیەکدا کە بەرامبەر بەشداربووانی ناڕەزایەتییەکان جێبەجێ بکرێت.
هاوپەیمانی هێزە سیاسییەکانی کوردستانی ئێران لە ڕاگەیێندراوێکدا هێرشە مووشەکی و درۆنییەکانی کۆماری ئیسلامیی ئێرانی بۆ سەر بارەگاکانیان لە هەرێمی کوردستان سەرکۆنە کرد و داوای لە کوردانی تاراوگە کرد بۆ ناڕەزایەتی دەربڕین بڕژێنە سەر شەقامەکان.
ماڵپەڕی میزان سەر بە دەسەڵاتی دادوەریی رێژیمی ئێران باسی لە لەسێدارەدانی كەسێك بە ناوی “مەهدی فەرید” بە تۆمەتی هاوکاری لەگەڵ موساد کردووە؛ تۆمەتێکی قورس کە وەک زۆرێک لە دۆسیە هاوشێوەکان وردەكارییەكانی تەنها لەلایەن دەزگا ئەمنییەکانەوە خراوەتەڕوو.
دوو بەرپرسی ناوچەیی بە ئاژانسی "ئەسۆشیێتد پرێس"یان ڕاگەیاندووە، ئەمریکا و ئێران ئاماژەیان بەوە کردووە کە خولێکی نوێی دانوستاندنەکانی ئاگربەست لە ئیسلامئابادی پایتەختی پاکستان ئەنجام دەدەن، ئەمەش لە کاتێکدایە ئاگربەستە دوو هەفتەییەکە خەریکە کاتەکەی بەسەردەچێت.
دەسەڵاتی دادوەریی ئێران ڕایگەیاند، بەیانیی ئەمڕۆ سێشەممە، سزای لەسێدارەدانیان بەسەر ئەمیرعەلی میرجەعفەریدا جێبەجێ کردووە، کە یەکێک بوو لە دەستگیرکراوانی خۆپێشاندانەکانی مانگی بەفرانبار.
بەگوێرەی راپۆرتەکان، زیاتر لە هەفتەیەکە سەحەر مەهدی، کچی پرشەنگ و عەبدوڵڵا، کە تەمەنی 32 ساڵە و خەڵکی سەقزە، لەلایەن هێزەکانی ئیدارەی ئیتلاعاتەوە لە ماڵی باوکی دەستبەسەر کراوە و بۆ شوێنێکی نادیار گوازراوەتەوە.
ئەشکان مروەتی، پزیشکی خەڵکی سنە کە لە ناڕەزیەتییەکاندا پەنای برینداران بوو، کۆچی دوایکرد.
ئەو پزیشکی نەخۆشخانەی کەوسەری سنە بوو و لە بەتایبەت لە ناڕەزایەتییەکانی ساڵی ٢٠٢٢دا زۆر هاوکاری خۆپێشاندەرە بریندارەکان کرد.
ئاژانسی هەواڵی تەسنیمی ئێران ڕایدەگەیێنیت: تا ئێستا هیچ بڕیارێک نەدراوە تاوکە شاندی ئێرانی بچێتە ئیسلامئاباد، هاوکات دۆناڵد ترەمپ دەڵێت، “سبەی شەو نوێنەرانی ئەمریکا دەگەنە ئیسلامئاباد و ئەمە دواین چانسە بۆ ئێران تاوەکو بگەنە ڕێککەوتن”.
