دوای دوو هەفتە لە دەستبەسەر کرانی سامرەند وجودی، هاووڵاتیی شاری مەهاباد، هێشتا هیچ هەواڵێک لەبارەی بارودۆخی ناوبراوەوە نییە.
تەنها یەکجار پەیوەندیی بە خێزانەکەیەوە کردووە و لەم ماوەیەدا لە سەردان و دەستگەیشتن بە پارێزەر بێبەش كراوە.
ناوبراو دوای بەشداریکردنی لە مەراسیمێکدا بە جلی کوردییەوە لەگەڵ چەند هاووڵاتییەکی دیکە، بەبێ فەرمانی دادگا و بە شێوەیەکی توندوتیژانە لەلایەن هێزە ئەمنییەکانی ئەو شارەوە دەستبەسەر كراوە.
