رۆژی هەینی حیزبی دیموکراتی کوردستانی ئێران رایگەیاند "هێرشی درۆنیی کۆماری ئیسلامیی ئێران بۆ سەر کەمپە مەدەنییەکانی حیزبی دیموکراتی کوردستانی ئێران لە هەرێمی کوردستان شەهید و برینداری لێ کەوتەوە."
دۆناڵد ترەمپ، سەرۆکی ئەمریکا ڕایگەیاند، واشنتن و تاران هەماهەنگی دەکەن بۆ گواستنەوەی یۆرانیۆمی پیتێنراوی ئێران بۆ ویلایەتە یەکگرتووەکان.
لە دەسپێکی شەڕی ئێران لەگەڵ ئەمریکا و ئیسرائیل، هەرێمی کوردستان بە 719 درۆن و مووشەک بۆردوومان کراوە؛ لە ئەنجامدا 18 کەس گیانیان لەدەستداوە و 94 کەسیش بریندارن. 16 لەو درۆن و مووشەکانەی ئاراستەی هەرێمی کوردستان کران، لە دوای ئاگربەست بووە.
تۆڕی مافەکانی مرۆڤی کوردستان لە ڕاپۆرتی ساڵانەی خۆیدا بۆ ساڵی 1404، ڕەوشێکی مەترسیداری مافەکانی مرۆڤی لە ڕۆژهەڵاتی کوردستان و ناوچە کوردنشینەکانی ئێران وێنا کردووە.
هاکان فیدان، وەزیری دەرەوەی تورکیا ڕایگەیاند، ئیسرائیل بەدوای دوژمنێکی نوێدا دەگەڕێت و لەوانەیە تورکیا بکاتە ئامانج. ئەم هۆشدارییە دوای ئەوە دێت کە ڕەجەب تەیب ئەردۆغان، سەرۆککۆماری تورکیا، بە توندی هەڕەشەی دەستوەردانی سەربازیی هاوشێوەی قەرەباغ و لیبیای لە دژی ئیسرائیل کرد.
لە ماوەی چەند ڕۆژی ڕابردوودا، ناسر یادیار، موسا یادیار و هەمزە یادیار، سێ برای خەڵکی بۆكان، بە دانانی بارمتە، بەشێوەیەکی کاتی لە زیندانی ئەم شارە ئازاد کران.
وتەبێژی بارەگای ناوەندیی خاتەمولئەنبیای سەر بە سوپای پاسداران هۆشداریی توند دەداتە واشنتن و ڕایدەگەیەنێت، ئەگەر ئاسایشی بەندەرەکانی ئێران لە کەنداو و دەریای عومان بکەوێتە مەترسییەوە، هیچ بەندەرێکی دیکەی ناوچەکە پارێزراو نابێت.
نزیکەی هەفتەیەکە چارەنووسی یوسف کەریمی، هاوڵاتیی نیشتەجێی بۆکان نادیارە، کە لەلایەن هێزە ئەمنییەکانی ئێرانەوە دەستبەسەر کراوە. بەپێی زانیارییەکانی تۆڕی مافەکانی مرۆڤی کوردستان، ئەو گەنجە لە 14ی خاکەلێوەی 1405، لە کاتی هەڵکوتانە سەر ماڵەکەیان بەبێ بڕیاری دادوەر دەستگیر کراوە.
دۆناڵد ترەمپ، سەرۆکی ئەمریکا فەرمانی بە هێزی دەریایی وڵاتەکەی دا گەمارۆی دەریایی بخەنە سەر گەرووی هورمز و ڕێگری لە هاتوچۆی هەر کەشتییەک بکەن. ئەم بڕیارە دوای ئەوە دێت کە واشنتن، تارانی بە "باجگیریی جیهانی" تۆمەتبار کرد بەهۆی وەرگرتنی ڕسومات و دانانی مین لەو ئاوڕێگە نێودەوڵەتییەدا.
ئاژانسی ڕۆیتەرز لە زاری سێ سەرچاوەی نزیک لە بازنەی بڕیاری تاران بڵاویکردەوە، موجتەبا خامنەیی، ڕێبەری نوێی ئێران، لە بۆردووماندا قاچێک یان هەر دوو قاچی لەدەستداوە و شێوەی دەموچاوی تەواو تێکچووە.
