سوپای ئێران بە فەرمی ڕایگەیاند کە دوو لە ئەندامانی هێزەکانی بەرگریی ئاسمانی لە ئەنجامی هێرشەکانی ئەم دواییەی ئیسرائیل گیانیان لەدەستداوە.
لە کاتێکدا پێشتر تاران تەنها ئاماژەی بە برینداربوونی ١٥ کەس دابوو، ئەمڕۆ ڕایگەیاند کە ئەو دوو پلەدارە لە کاتی ڕاپەڕاندنی ئەرکەکانیاندا و بە "تەقەی ڕاستەوخۆی دوژمن" کوژراون.
سوپای ئیسرائیل جەخت دەکاتەوە کە هێرشەکان "سەرکەوتوو" بوون و توانیویانە سیستەمە ستراتیژییەکانی بەرگریی ئاسمانیی ئێران بەتەواوەتی لەکار بخەن.
