نزیکەی هەفتەیەکە چارەنووسی یوسف کەریمی، هاوڵاتیی نیشتەجێی بۆکان نادیارە، کە لەلایەن هێزە ئەمنییەکانی ئێرانەوە دەستبەسەر کراوە. بەپێی زانیارییەکانی تۆڕی مافەکانی مرۆڤی کوردستان، ئەو گەنجە لە 14ی خاکەلێوەی 1405، لە کاتی هەڵکوتانە سەر ماڵەکەیان بەبێ بڕیاری دادوەر دەستگیر کراوە.
دۆناڵد ترەمپ، سەرۆکی ئەمریکا فەرمانی بە هێزی دەریایی وڵاتەکەی دا گەمارۆی دەریایی بخەنە سەر گەرووی هورمز و ڕێگری لە هاتوچۆی هەر کەشتییەک بکەن. ئەم بڕیارە دوای ئەوە دێت کە واشنتن، تارانی بە "باجگیریی جیهانی" تۆمەتبار کرد بەهۆی وەرگرتنی ڕسومات و دانانی مین لەو ئاوڕێگە نێودەوڵەتییەدا.
ئاژانسی ڕۆیتەرز لە زاری سێ سەرچاوەی نزیک لە بازنەی بڕیاری تاران بڵاویکردەوە، موجتەبا خامنەیی، ڕێبەری نوێی ئێران، لە بۆردووماندا قاچێک یان هەر دوو قاچی لەدەستداوە و شێوەی دەموچاوی تەواو تێکچووە.
سەرەڕای ڕاگەیاندنی ئاگربەستێکی دوو هەفتەیی لە نێوان ئێران، ئەمریکا و ئیسرائیل، هێرشە درۆنی و مووشەکییەکان بۆ سەر هەرێمی کوردستان نەوەستاون. بەپێی زانیارییەکان، لە دوای دەسپێکی ئاگربەستەکە لە ڕۆژی چوارشەممەوە، تائێستا لانیکەم چوار درۆنی دیکە ئاراستەی هەولێر و دەوروبەری کراون.
میدیا گەورەکانی ئەمریکا و بەریتانیا بە گومانەوە دەڕواننە ئاگربەستە دوو هەفتەییەکەی نێوان واشنتن و تاران.
عەلی یوسف حەرشی، وەک یەکێک لە کەسایەتییە هەرە نزیک و متمانەپێکراوەکانی ناو بازنەی بڕیار لە حزبوڵڵای لوبنان دەناسرێت. ناوبراو لە بەیرووت ئەرکی سکرتێری کەسیی نەعیم قاسم، سکرتێری گشتیی حزبوڵڵا بەڕێوەدەبرد.
دۆناڵد ترەمپ، سەرۆکی ئەمریکا جەختی کردەوە کە هێزە سەربازییەکانی وڵاتەکەی لە ڕۆژهەڵاتی ناوەڕاست دەمێننەوە تا ئەو کاتەی ڕێککەوتنێکی ئاشتی لەگەڵ تاران دەگاتە ئەنجام.
لە ئەنجامی هێرشەکانی شەوی ڕابردوو بۆ سەر چەند ناوچەیەک لە پارێزگای کۆهگیلویە و بۆیرئەحمەد لە ناوەڕاستی ئێران، ٩ کەس کوژران و هەشت کەسی دیکەش بریندار بوون؛ هێرشەکان لە کاتێکدایە کە ئۆپەراسیۆنێکی فراوانی ئەمریکا بۆ ڕزگارکردنی فڕۆکەوانێکی F-15 لە ئارادابووە.
بنیامین نەتانیاهۆ، سەرۆکوەزیرانی ئیسرائیل رایگەیاند، وڵاتەکەی و ویلایەتە یەکگرتووەکانی ئەمریکا ئۆپەراسیۆنێکی هاوبەشیان بۆ "لەناوبردنی هەڕەشەی بوونیی رژێمی ئێران" دەستپێکردووە.
دۆناڵد ترەمپ، سەرۆکی ویلایەتە یەکگرتووەکانی ئەمریکا ڕایگەیاند، لەو هەڵوێستەی ئێران لە دانوستاندنەکاندا نیشانی دەدات "ڕازی نییە". ترەمپ بەر لە بەڕێکەوتنی بۆ ویلایەتی تێکساس، لە کۆشکی سپی بە ڕۆژنامەنووسانی ڕاگەیاند، هێشتا "بڕیاری کۆتایی" سەبارەت بە ئەنجامدانی هێرشی سەربازی بۆ سەر ئێران نەداوە.
