بەگوێرەی راپۆرتەکان، زیاتر لە هەفتەیەکە سەحەر مەهدی، کچی پرشەنگ و عەبدوڵڵا، کە تەمەنی 32 ساڵە و خەڵکی سەقزە، لەلایەن هێزەکانی ئیدارەی ئیتلاعاتەوە لە ماڵی باوکی دەستبەسەر کراوە و بۆ شوێنێکی نادیار گوازراوەتەوە.
دەستبەسەرکردنی ئەو هاونیشتمانییە بەبێ نیشاندانی هیچ بەڵگەیەکی دادوەری بووە؛ هێزە ئەمنییەکان لە کاتی دەستبەسەرکردنیدا، دەستیان بەسەر مۆبایلی سەحەر و ئەندامانی دیکەی خێزانەکەشیدا گرتووە.
سەرەڕای ئەوەی بەڵێنی ئەوە درابوو کە رۆژی یەکشەممە بە کەفالەت ئازاد بکرێت، بەڵام ئەو هاونیشتمانییە هێشتا لە دەستبەسەری و چارەنووسێکی نادیاردایە؛ تاوەکو ئێستاش هۆکاری دەستبەسەرکردنەکەی و ئەو تۆمەتانەی ئاراستەی کراون، دیار نین.
