ڕۆژی هەینی ٨ی خاكەلێوە، تێمی برووس وتەبێژی وەزارەتی دەرەوەی ئەمریکا كاردانەوەی بەرامبەر بە دەستبەسەرکردنی بەکۆمەڵی هاووڵاتیانی کورد لە ئێرانی بەهۆی بەشداریکردن لە ئاهەنگەکانی نەورۆز نیشان دا.
قایمقامەتی (فرمانداری) داڵەهو لە پارێزگای کرماشان مۆڵەتی بە بەڕێوەچوونی رێوڕەسمی نەورۆز لە شارۆچکەی گاوارە نەدا، گەرچی بەڕێوەبەرەکانی لەپێناو بەڕێوەچوونی رێوڕەسمەکەدا هەموو مەرجەکانیان قبوڵ کردبوو.
هیوا بەهین، هاونیشتمانی خەڵکی بۆکان، بە هۆکارێکی نادیار بۆ زیندانی ورمێ گواستراوەتەوە.
ڕۆژی دووشەممە ٤ی خاکەلێوە، هێزەکانی ئیدارەی ئیتلاعاتی شنۆ دوای بانگکردنی تەلەفۆنیی "ئەبووبەکر مەعرفەت" باوکی "ئەمین مەعرەفەت" لە گیان‌لەدەست‌دراوانی بزووتنەوەی ژن ژیان ئازادی، سەرجەم ئەندامانی بنەماڵەکەشیان دەسبەسەر و دوای ٤٨ کاتژمێر لێپرسینەوە و هەڕەشەکردن، بە دانانی بارمتەی قورس ئازاد کران.
ئێوارەی یەكشەممە ٣ی خاكەلێوەی ١٤٠٤، مستەفا هوژەبری، تەمەن ٢٨ ساڵ و خەڵكی گوندی "قولیان"ی سەر بە سنە، لە لایەن هێزەكانی ئیدارەی ئیتلاعات دەستبەسەر و بۆ شوێنێكی نادیار گواسترایەوە و بە تێپەڕینی ٤ ڕۆژ زانیارییەک لەسەر چارەنووسی ناوبراو لەبەر دەستدا نییە.
دکتۆر بێهزاد دافعی، نووسەری کورد و خەڵکی شاری مەریوان و بەندکراوی سیاسیی پێشوو لەلایەن هێزەکانی ئیدارەی ئیتلاعاتەوە لە پەیوەندی لەگەڵ ڕێوڕەسمەکانی نەورۆزی کوردستان لەم شارە دەستبەسەر کرا. کاروان دافعی، برایەکەشی هەر بەم هۆکارە دەستبەسەر کراوە.
بەبۆنەی نەورۆزەوە، لە ناوچە جیاوازەکانی پارێزگاکانی ئیلام و کرماشان لە ڕۆژهەڵاتی کوردستان، ئاهەنگ و ڕێوڕەسم بەڕێوەچوون. سەرەڕای هەوڵەکانی دەسەڵاتداران بۆ ڕێگریکردن لە کۆبوونەوەکان، خەڵک بەشدارییەکی بەرچاوی لە ئاهەنگەکاندا کرد.
شنۆ محەممەدی و ئاریوان شاكری، دوو چالاكی مەدەنیی كورد لە لایەن هێزە ئەمنییەكانەوە لە سنە دەستگیر کران.
دانیشتوانی گوندی گوڵچێر سەر بە شاری مەریوان، بە هەوڵ و کۆششی خۆیان نزیکەی هەزار و ٥٠٠ نەمامیان لە دەوروبەری گوندەکەیاندا چاند. بە وتەی خۆیان، ئەم هەنگاوە دەستپێکی پرۆژەیەکە بۆ پاراستنی ژینگەی ناوچەکەیان.
