دۆخى تاقیگە پزشکییە ئەهلییەکان کە ڕێککەوتنیان لەگەڵ نەخۆشخانە دەوڵەتییەکان هەیە، لەبەر گەمارۆ ئابوورییەکانى ئەمریکا و دابەزین و هەڵکشانى بەهاى دۆلار و دراوى ئێرانى تا دێت خراپتر دەبێت، بە شێوەیەک کە ئەم تاقیگانە چیتر تواناى کڕینى ماددە و کەرەستە سەرەتاییەکانیان نەماوە.

سەرچاوە هەواڵدەرییەکانی کۆماری ئیسلامی، ژمارەى ئەو منداڵە بەندکراوانە بە 600 منداڵ هەژمار دەکات، کەچى بە پێى ئاماری ڕێکخراوە سیاسی و ئۆپۆزیسیۆنەکان و ڕێکخراوەکانی مافی مرۆڤ ڕێژەى ئەو منداڵانە زۆر زیاترە.

بە پێى هەواڵى گەیشتوو بە ئاڤاتودەى، دادگاى تایبەتى ڕۆحانیەت لە هەمەدان، مامۆستا محەمەد ئەدیبى ـى مامۆستاى ئایینى و خۆشەویستى نێو خەڵکى بانەى بانگهێشت کردووە تا دووبارە بە بەهانەى دروستکردنى هەرجومەرج لە ئەمنیەتى میللى، دادگایی بکەن.