ڕێبوار مارابی، گەنجی تەمەن ٢٦ ساڵی خەڵکی کامێران دوای بانگکران و سەردانیکردنی یەکێک لە لقەكانی جێبەجێکردنی سزاکان لە تاران، دەستبەسەر کرا و بۆ بەندیخانەی فەشافوویەی تاران گواسترایەوە.
ڕێبوار مارابی، هاووڵاتیی کورد و خەڵکی کامێران و لە دەستبەسەرکراوانی ناڕەزایەتییەکانی بەفرانبار لە تاران، دوای کەمکردنەوەی سزای سەرەتایی ١٠ ساڵ بەندکردنەکەی لە دادگای پێداچوونەوەدا بۆ ٦ ساڵ بەندکران و ٤ ساڵ بەندکردنی هەڵپەسێردراو، دوای بانگکران و سەردانیکردنی یەکێک لە بنکەکانی دادگای تاران دەستبەسەرکرا و بە مەبەستی جێبەجێکردنی سزای ٦ ساڵ بەندکردنەكەی بۆ بەندیخانەی گەورەی تاران (بەندیخانەی فەشافوویە) گواسترایەوە.
سزای سەرەتایی ١٠ ساڵ بەندكرانی ناوبراو بە تۆمەتی "هاوکاری لەگەڵ ئیسرائیل"، لە قۆناغی پێداچوونەوەدا بۆ ٦ ساڵ بەندکردن و ٤ ساڵ بەندکردنی هەڵپەسێردراو کەم کرایەوە.
