لە کاتێکدا تاران لەژێر سێبەری ئاڵۆزییەکانی ناوچەکەدا پرۆسەی لەسێدارەدانی زیندانیانی سیاسی و ئەمنی خێرا کردووە، ناسر بەکرزادە، گەنجێکی تەمەن ٢٦ ساڵەی خەڵکی ورمێ، لە نامەیەکدا لەنێو زیندانەوە هاواری نادادی دەکات و دەڵێت: "هەر ساتێک مردنی خۆم دەبینم."
ڕێکخراوی CPTی ئەمریکی ئاشکرای کرد، لە ماوەی تەنیا 16 ڕۆژی ئاگربەستدا، سوپای پاسدارانی ئێران و گرووپە هاوپەیمانەکانی 48 هێرشیان کردووەتە سەر هەرێمی کوردستان، کە زۆرینەیان ئامانجیان حیزبەکانی ڕۆژهەڵاتی کوردستان بووە.
فەرمانگەی میدیا و زانیاریی نوێرترین ئاماری هێرشە درۆنی و مووشەکییەکانی سەر هەرێمی کوردستانی بڵاو کردەوە و دەڵێت، تا ئێستا بەهۆی ئەو هێرشانەوە ٢٠ کەس شەهید بوون و ١٢٣ کەسی دیکەش بریندار بوون.
هاوپەیمانی هێزە سیاسییەکانی کوردستانی ئێران لە ڕاگەیێندراوێکدا هێرشە مووشەکی و درۆنییەکانی کۆماری ئیسلامیی ئێرانی بۆ سەر بارەگاکانیان لە هەرێمی کوردستان سەرکۆنە کرد و داوای لە کوردانی تاراوگە کرد بۆ ناڕەزایەتی دەربڕین بڕژێنە سەر شەقامەکان.
بەگوێرەی راپۆرتەکان، زیاتر لە هەفتەیەکە سەحەر مەهدی، کچی پرشەنگ و عەبدوڵڵا، کە تەمەنی 32 ساڵە و خەڵکی سەقزە، لەلایەن هێزەکانی ئیدارەی ئیتلاعاتەوە لە ماڵی باوکی دەستبەسەر کراوە و بۆ شوێنێکی نادیار گوازراوەتەوە.
ئەشکان مروەتی، پزیشکی خەڵکی سنە کە لە ناڕەزیەتییەکاندا پەنای برینداران بوو، کۆچی دوایکرد.
ئەو پزیشکی نەخۆشخانەی کەوسەری سنە بوو و لە بەتایبەت لە ناڕەزایەتییەکانی ساڵی ٢٠٢٢دا زۆر هاوکاری خۆپێشاندەرە بریندارەکان کرد.
مامۆستا قەرەنی قادری، نووسەر و رۆژنامەنووسی دیاری کورد، دوای ململانێیەکی زۆر لەگەڵ نەخۆشی، لە شاری هەولێر کۆچی دواییکرد.
عاتفە میرزایی، تەمەن 27 ساڵ و خەڵکی جوانڕۆ، لە بازگەیەکی شاری قەزوێن بە تەقەی ڕاستەوخۆی هێزە ئەمنییەکان کوژرا. عاتفە کە نیشتەجێی سنە و خوێندکار بووە لە قەزوێن، ڕۆژی 10 رەشەمەی 1404 لە کاتی تێپەڕبوونی بە بازگەیەکدا کراوەتە ئامانج و دەستبەجێ گیانی لەدەستداوە.
قەرارگەی هەمزەی سوپای پاسداران رایگەیاند لە تۆڵەی کوژرانی ئەندامێکی سوپا هێرشیان کردە سەر بنکەکانی حیزبی دیموکراتی کوردستانی ئێران. سەرکردەیەکی ئەو حیزبەش دەڵێت، ئەوانەی شەهید بوون لە کاتی کوژرانی ئەندامەکەی سوپای پاسداران پێشمەرگە نەبوون.
چارەنووسی دوو هاووڵاتیی خەڵکی پیرانشار بە ناوەکانی "مەحیەدین مەعرووفنیا" و کوڕەکەی، "بێهنام مەعرووفنیا"، دوای تێپەڕبوونی زیاتر لە حەوتوویەک بەسەر دەستبەسەرکرانیان لەلایەن هێزە ئەمنییەتییەکانەوە، بە نادیاری ماوەتەوە.
