ڕیپۆرتەری تایبەتی نەتەوە یەکگرتووەکان بۆ کاروباری مافەکانی مرۆڤ لە ئێران هۆشداری دەدات کە ڕەنگە ژمارەی قوربانییانی خۆپێشاندانەکان لە ئێران زۆر زیاتر بێت لەو ئامارانەی پێشتر بڵاوکراونەتەوە و بگاتە ٢٠ هەزار کەس.
ڕێکخراوی مافی مرۆڤی "هرانا" ڕایگەیاند، کۆمەڵێک پسپۆڕی پزیشکی گەیشتوونەتە ئەو ئەنجامەی لە ئێران ژمارەیەک لە بریندارانی خۆپێشاندانەکان دوای دەستپێکردنی چارەسەری پزیشکی، یان کوژراون و یان چاودێری نەکراون تا گیانیان سپاردووە.
ستێڤ ویتکاف، نێردەی تایبەتی دۆناڵد ترەمپ بۆ کاروباری ڕۆژهەڵاتی ناوەڕاست، ڕۆژی چوارشەممە ڕایگەیاند، لە کاتی خۆپێشاندانەکانی ئێراندا "کۆمەڵکوژییەکی گەورە و ترسناک" ڕوویداوە و داوای لە کۆماری ئیسلامی کرد ڕەفتارەکانی بگۆڕێت.
ڕێکخراوێکی مافی مرۆڤ ڕایگەیاند، پێدەچێت ژمارەی کوژراوانی خۆپێشاندانەکانی ئەم دواییەی ئێران و رۆژهەڵاتی کوردستان، تەنانەت لە بەرزترین ئەو خەمڵاندنانەش زیاتر بێت کە تاوەکو ئێستا لە میدیاکاندا بڵاوکراونەتەوە و ڕەنگە ژمارەی کوژراوەکان بگاتە 20 هەزار کەسیش.
گوتەبێژی دەسەڵاتی دادوەریی ئێران رایگەیاند، ئەو کەسانەی لە کاتی ناڕەزایەتییەکاندا دەستبەسەر کراون، ڕووبەڕووی "توندترین سزا" دەبنەوە. ئەم لێدوانە لە کاتێکدایە کە واشنتن هۆشداریی توندی داوەتە تاران لە ئەنجامدانی هەر لەسێدارەدانێکی خۆپێشاندەران.
شایەتحاڵان و رێکخراوەکانی مافی مرۆڤ وردەکاریی نوێ لەبارەی رووداوەکانی رۆژانی 8 و 9ی کانوونی دووەم لە شاری رەشتی باکووری ئێران ئاشکرا دەکەن و دەڵێن، هێزە ئەمنییەکان دوای گەمارۆدانی خۆپێشاندەران لەنێو بازاڕی شارەکەدا، ئاگریان لە بازاڕەکە بەرداوە و تەقەیان لەو کەسانە کردووە کە هەوڵی هەڵاتنیان داوە.<
بڕانی سەرانسەریی هێڵەکانی ئینتەرنێت لە ئێران، کە لەلایەن حکومەتەوە بۆ رێگری لە بڵاوبوونەوەی هەواڵی ناڕەزایەتییەکان پەیڕەو کراوە، پێی نایە دووەم هەفتەیەوە.
نوێنەری ئەمریکا لە نەتەوە یەکگرتووەکان هۆشداری دەدات کە واشنتن بۆ رێگریکردن لە "کوشتار" لە ئێران، پەنا بۆ هەموو بژارەکان دەبات و جەخت لەوە دەکاتەوە کە سەرۆکی وڵاتەکەی "پیاوی کردارە".
حکومەتی ئەفریقای باشوور داوا لە دەسەڵاتدارانی ئێران دەکات رێز لە مافی خۆپێشاندانی ئاشتییانەی خەڵک بگرن و داواش لە هەموو لایەک دەکات "ئەوپەڕی دانبەخۆداگرتن" بنوێنن. ئەم هەڵوێستەش دوای ئەوە دێت کە ئەو وڵاتە رۆڵی ئێرانی لە مانۆڕێکی سەربازیی هاوبەشدا سنووردار کرد.
رێکخراوی مافی مرۆڤی ئێران (IHR) نوێترین ئاماری قوربانیانی خۆپێشاندانەکانی بڵاوکردەوە و رایگەیاند، تاوەکو ئێستا لانیکەم سێ هەزار و ٤٢٨ خۆپێشاندەر بە تەقەی هێزە ئەمنییەکان کوژراون و هەزارانی دیکەش بریندار بوون.
