وەزارەتی دەرەوەی ئەمەریکا ڕەخنەی لە لەسێدارەدانی خۆپیشاندەران لە ئێران گرت و داوای ئازادکردنی زیندانییانی سیاسی و ڕاگرتنی لەسێدارەدانی ئەو کەسانە کرد کە لەپێناو چالاکیی ئاشتیانەی مافی مرۆڤدا سزا دراون.
ڕایلی بارنز، یاریدەدەری وەزیری دەرەوەی ئەمەریکا بۆ دیموکراسی، مافی مرۆڤ و کار، ڕۆژی یەکشەممە لە تۆڕی کۆمەڵایەتیی ئێکس نووسیویەتی "ئێمە سەرکۆنەی سزای لەسێدارەدان دەکەین کە ڕژێمی ئێران دژی هاووڵاتییانی خۆی و گەنجە ئازاکانی ئێران گرتوویەتییە بەر."
وتیشی "ئێمە لەگەڵ خەڵکی ئێرانداین و داوای ئازادکردنی هەموو زیندانییانی سیاسی و ڕاگرتنی لەسێدارەدانی ئەو کەسانە دەکەین کە لەپێناو چالاکیی ئاشتیخوازانەی مافی مرۆڤ و ئازادییە بنەڕەتییەکاندا دەستبەسەرن."
ڕێکخراوی لێبوردنی نێودەوڵەتی چەند مانگ پێش ئێستا ڕایگەیاند حکوومەتی ئێران لە ساڵی ٢٠٠٥، دوو هەزار و ١٥٩ کەسی لە سێدارە داوە.
