دونیا

ناوچەی کوێستانی قەرەباغ و هەروەها ناوچەی سنووری نێوان ئازەربایجان و ئەرمەنستان، لە شەوی ڕابروودا شایەتی چڕبوونەوەی هێرشەکانی دوو لایەن بۆ سەر یەکتری بوو.

ڤلادمیر پووتین سەرکۆماری ڕووسیە و ئیمانۆئێل مەکرۆن لە پێوەندییەکی تەلەفۆنیدا وێرای دەربرێنی ئامادەیی بۆ دانیشتنی گرووپی مینسک داوای ئاگربەستی بەپەلە و هەمەلایەنەیان کرد لە قەرەباغ.

١٥ ئەندامی ئەنجومەنی ئاسایشی نەتەوەیەکگرتووەکان لە ڕاگەیەندراوێکدا نیگەرانی خۆیان سەبارەت بە درێژەی کێشەکانی ناوچەی قەرەباغ دەربڕی.

مۆرگان ئۆرتێگاس وتەبێژی وەزارەتی دەرەوەی ئەمریکا هۆشداریدا نوێنەرانی چین لە ئەمریکا فەرماندەراکانی ئەمریکایان خستووەتە ژێر چاودێری.

ئۆرتێگاس ڕۆژی سێشەممە لە تویتێکدا نووسی: حیزبی کۆمۆنیستی چین چاودێری فەرماندارەکانی ئەمریکا دەکەن و لە ڕووی ئاستی قەناعەتپێهێنان پلەبەندی کردووە.

مایک پۆمپێئۆ وەزیری دەرەوەی ئەمریکا ڕۆژی دووشەممە ٧ی ڕەزبەر بە ئاماژە بە کووشتنی قاسم سولەیمانی فەرماندەی پێشووی سوپای قودس گووتی: دەسکەوتەکانی ترامپ جیهانی ئەمنتر کردووە.

دۆنالد ترامپ ئاوی پاکی بەسەر دەستی دەسەڵاتدارانی ئێراندا کرد و ڕایگەیاند دوای هەڵبژاردنەکانی ئەمریکا، هەلومەرجی ڕێککەوتن دەگەڵ ئێران زۆر دژوارتر دەبێتەوە.

ئەو قسانەی ترامپ لە کاتێکدایە کە ڕۆژنامەیەکی کوێتی بڵاوی کردووەتەوە ئێران و ئەمریکا بە نهێنی لە عەممان لە وتووێژدان.

٤٧ وڵاتی بەشدار لە دانیشتنی ئەنجومەنی مافی  نەتەوەیەکگرتووەکان لە ڕاگەیەندراوێکدا بە مەحکومکردنی پێشێلکردنی تووندی مافەکانی مرۆڤ لە ئێران، داوای ئازادکردنی بەندکراوانی سیاسیان کرد.

بلۆمبێرگ لە زمان سەرچاوەیەکی نیزیک لە دەوڵەتی ڕووسیە بڵاوی کردووەتە کە کرملین لەو بڕوایەدایە ئەگەر جۆ بایدن ببێتە سەرکۆماری ئەمریکا بۆ مۆسکۆ زۆر خراپ دەبێ و دەبێ بەهۆی ئەوەی ڕۆژئاوا لە دژی ڕووسیە زیاتر یەکبگرێت.