جەلال محەممەد کەریمی، هاووڵاتیی کوردی خەڵکی بۆکان کە لە کاتی سەرهەڵدانی بزووتنەوەی "ژن، ژیان، ئازادی"دا دەستبەسەر کرابوو، لەلایەن دادگای تاوانەکانی بۆکانەوە بە تۆمەتی "هەڵگرتنی چەک" بە ١٠ ساڵ زیندان مەحکووم کرا.
یەک لەسەر سێی ئەم سزایە بۆ ماوەی دوو ساڵ ڕاگیرا.
سوهەیلا مەتاعی، چالاکی مەدەنیی خەڵکی دێولان بەپێی بەڵگەیەکی بانگکران بە تۆمەتی "پڕوپاگەندە لە بەرژەوەندیی گرووپ یان ڕێکخراوە دژبەرەکانی نیزامی کۆماری ئیسلامیی ئێران" بانگی لقی ١٠٢ی دادگای کەیفەریی ئەم شارە کراوە.
سەرلەبەیانیی ڕۆژی پێنجشەممە ٢٥ی بانەمەڕی ١٤٠٤، دوو برا بە ناوەکانی "عەزیزعەبدوڵڵازادە" تەمەن ٣٣ ساڵ و "ئومید عەبدوڵڵازادە" تەمەن ٣٥ ساڵ و خەڵکی گوندی "حوسێن ئاباد" سەر بە شاری بۆکان، لەلایەن هێزە ئەمنییەتییەکانەوە دەسبەسەر کران.
دووهەمین داواکاریی حاتەم ئوزدەمیر، بەندکراوی سیاسیی کوردی خەڵکی باکووری کوردستان، بۆ پێداچوونەوە بە حوکمەکەی لەلایەن دیوانی باڵای ڕێژیمەوە ڕەت کرایەوە.
ڕۆژی دووشەممە ۲۲ی بانەمەڕی ١٤٠٤، ئالان محەممەدی، تەمەن ۲۵ ساڵ و خەڵکی شاری مەریوان بەمەبەستی جێبەجێکرانی سزای پێنج ساڵ بەندکرانەکەی دەستبەسەر کرا و بۆ بەندیخانەی ناوەندیی ئەو شارە گواسترایەوە.
قوتابییەکی کچێ خاوەن پێداویستی تایبەتی خەڵکی ورمێ کە بەهۆی سوتانی پاسەکەیانەوە ئەویش سوتابوو، گیانی لەدەستدا. لەو رووداوەدا ٨ قوتابی دیکەش بریندار بوون.
ڕۆژی هەینی، لە ناوچەی کونان سەر بە شاری کویەشت لە پارێزگای لوڕستان، حەوت کەس کە خزم و کەسوکاری یەکدی بوون، لە کاتی هەوڵدان بۆ چالاککردنەوە یان قووڵکردنەوەی بیرێکی ئاوی کشتوکاڵی گیانیان لەدەستدا.
دیوانی باڵای عیداڵەتی ئیداری بڕیاری دەرکردنی سومەیە ئەختەرشومار، چالاکی سێنفیی مامۆستایانی مەریوانی وەک خۆی پشتڕاست کردەوە
سەرلەبەیانی پێنجشەممە ١١ی گوڵانی ١٤٠٤، نزیکەی کاتژمێر ٧:٠٠ی سەرلەبەیانی، لە ناوچەی خوارووی باسکۆل نوور لە کرماشان، پیاوێک بە بەکارهێنانی چەکی گەرم هاوژین و بووک و دوو کوڕەکەی کوشتووە.
ژمارەی ئەو کرێکارە ئیلامییانەی کە لە تەقینەوە گەورەکەی بەندەری ستراتیژی ڕەجایی لە باشووری ئێران گیانیان لەدەستدا، گەیشتە شەش کەس، ئەمەش دوای ئەوەی ڕۆژی چوارشەممە ناسنامەی شەشەمین قوربانی لە ڕێگەی پشکنینی DNAـەوە پشتڕاستکرایەوە.
