ڕۆژی سێشەممە ٢ی بانەمەڕ سەعید دەستگیری ئەندازیاری عومران و شارسازی کە خاوەنی زیاتر لە بیست ساڵ ئەزموون بوو، لە کاتی ئەنجامدانی پڕۆژەیەک لە گوندی ئێرانشای سەقز، بە هۆی ڕووداوی کار و کەوتنە ژێر ئامێری غەڵتەک گیانی لەدەست دا.
یەکەمین خولی کێبڕکێی "خەڵاتی قەڵەمی هەژار" لە زانکۆی کوردستان لە شاری سنە بەڕێوە دەچێت و خەڵاتەکە بەو نووسەر و توێژەرانە دەدرێت کەوا لە بواری پرس و توێژینەوە کوردییەکاندا، چالاکی دەکەن.
لە ڕووداوێکی نامۆدا لە قوتابخانەیەکی کچانەی شاری مەڵگشای سەر بە پارێزگای ئیلام، سێ قوتابی هەستان بە ژەهراویکردنی چوار لە مامۆستاکانیان.
ڕۆژی یەکشەممە ٢١ خاکەلێوە، ئیحسان حەمزەزادە قوتابیی تەمەن ١٧ ساڵ و خەڵکی گوندی "قالوێ" سەر بە شاری بۆکان و دانیشتووی میراوای ئەم شارە لەلایەن هێزەکانی ئیدارەی ئیتلاعات لە شاری بۆکان دەستبەسەر و بۆ شوێنێکی نادیار گواسترایەوە.
ئەمڕۆ دووشەممە، ٢١ی نیسانی ٢٠٢٥ (١ی بانەمەڕی ١٤٠٤)، مامۆستا لوقمان ئەمینی، کەسایەتی ئایینی ناسراو و پێشنوێژی مزگەوتی چواریاری نەبی لە شاری سنە، پاش بانگهێشتکردنی بۆ دادگای تایبەتی ڕۆحانییەتی (کەسایەتییە ئایینییەکان) لە شاری هەمەدان، دەستبەسەر کرا.
منداڵێکی تەمەن چوار ساڵان بە ناوی کیان، ڕۆژی چوارشەممەی ڕابردوو لە نەخۆشخانەیەکی تایبەتی شاری ئیلام، دوای وەرگرتنی ماددەی بێهۆشکەر (بەنج) بۆ مەبەستی چارەسەری ددان، گیانی لەدەستدا. بەپێی زانیارییە سەرەتاییەکان، منداڵەکە تووشی هەستیاریی توند (شۆکی ئانافیلاکتیک) بووە.
ئێوارەی ڕۆژی هەینی ۲۲ی خاکەلێوە، سەفا عائیلی، تەمەن ٣۱ ساڵ و خاڵی ژینا ئەمینی لە لایەن هێزەکانی ئیدارەی ئیتلاعاتەوە دەستبەسەر کرا و بۆ بەندیخانەی ناوەندیی سەقز گواسترایەوە.
