لە ئیلام دوای ئەوەی هاونیشتمانییەک داواکاراییەکی نایاسایی ئەندامێکی ئەنجوومەنی شارەکەی ڕەت کردەوە، ئەو ئەندامەی ئەنجوومەنی پەلاماری داوە و زۆری لەو هاونیشتمانییە داوە. ئەو ئەندامەی ئەنجوومەنی شاری ئیلام بە گەندەڵی دیکەش تۆمەتبارە.
ڕێوڕەسمەکانی شەوی یەڵدا لە مەهاباد جارێکی دیکە ئەوەی نیشان دایەوە کە تەنانەت نەریتە کولتووری و شادییە نەتەوەییەکانی خەڵکیش لە سەرکوتی سیستماتیکی رێژیمی کۆماری ئیسلامی بەدوور نین.
زانیار محەممەدنژاد، هاووڵاتیی خەڵکی سنە کە لە چەند ساڵی ڕابردوودا بەهۆی چالاکییەکانیەوە چەندین جار دەستبەسەر کراوە، لەلایەن دەزگای دادوەریی ئێرانەوە بە کۆی گشتی چوار ساڵ بەندکردن سزا درا و هێشتا چەند دۆسیەیەکی دیکەشی لەسەر کراوەن.
نزیکەی دوو مانگە چارەنووسی موحسین قادری، ئەندامی پارتی ژیانی ئازادی کوردستان (پژاک) نادیارە، دوای ئەوەی لەلایەن هێزە ئەمنییەکانی ئێرانەوە لە سنووری بانە دەستبەسەر کرا. لە کاتێکدا سوپای پاسداران بە خێزانەکەی ڕاگەیاندووە کە کوژراوە، شایەتحاڵێک دەڵێت بە زیندوویی لە زیندان بینراوە.
عەزیزە مورادیان، هاووڵاتیی دەستبەسەرکراوی خەڵکی مەریوان، لە بەندیخانەی ناوەندیی سنە مانی لە خواردن گرت؛ ئەمەش وەک ناڕەزایەتییەک بەرامبەر بە ناڕوونیی چارەنووسی و درێژکردنەوەی ماوەی دەستبەسەرکردنی.
دیوانی باڵای دادوەری ئێران سزای لەسێدارەدانی مێحراب عەبدوڵڵازادە، یەکێک لە دەستگیرکراوانی خۆپێشاندانەکانی ساڵی 2022ی پەسند کرد و بە گوتەی سەرچاوەکانی مافی مرۆڤ، ناوبراو لەژێر مەترسیی "جێبەجێکردنی دەستبەجێی" سزاکەدایە.
لە ئەنجامی تەقینەوەی تەقەمەنی لە نێو ماڵێکدا لە شاری بۆکان، سێ ئەندامی خێزانێک گیانیان لەدەستدا و کچێکی دیکەی هەمان خێزان بە سەختی بریندار بوو.
ڕۆژی دووشەممە چەنگیز جەهانگیری، بلۆگەر و کۆمیدیانی نیشتەجێی شاری ورمێ، دوای دوو ڕۆژ لە دەستبەسەرکردنی، بە شێوەیەکی کاتی و بە بارمتە ئازاد کرا.
وەزارەتی دەرەوەی نۆروێژ پشتڕاستی کردەوە کە هاووڵاتییەکی نۆروێژکی لە ئێران دەستبەسەر کراوە. هاوکات ڕێکخراوەکانی مافی مرۆڤ ئاشکرای دەکەن کە ئەو هاووڵاتییە ناوی شەهێن مەحموودییە و لە شاری سەقز دەستگیر کراوە.
ڕۆژی دووشەممە ١ی بەفرانبار، عادڵ یووسفینژاد تەمەن ٥٣ ساڵ و ئاکۆی کوڕی، باوک و برای چیاکۆ یووسفینژاد، لە چالاکانی ژینگەیی گیانبەختکردووی سنە، دوای بانگکرانیان بۆ ئیتلاعاتی سوپای پاسداران لەم شارەدا دەستبەسەر کران.
